【做女人點可以唔試系列】4個去黑眼圈方法!

女士們有冇發覺,年紀愈大就精神愈差
隨之而來嘅係黑眼圈都愈嚟愈深!唔想日日都化妝遮熊貓眼?
小編為咗大家嘅幸福,今次就親身上陣實試4個去黑眼圈嘅方法 !
發現原來其中一種真係幾有效!想知就快啲去片啦!

1/敷茶包 去黑眼圈?

敷茶包 5分鐘後 ..

網上唔少人話敷茶包可以去黑眼圈,但係小編試完之後覺得效果不大⋯
而且茶富含兒茶素,濃度過高,有皮膚敏感嘅人記得唔好試啊!
如果唔係搞到又腫又痕就唔好啦~

2/蒸氣眼膜

相信女士們都有試過蒸氣眼膜,用起嚟暖笠笠真係幾舒服~
不過去黑眼圈嘅效果唔算好,最多只做到舒緩眼部疲勞感覺~

3/敷冷凍鐵匙

敷冷凍鐵匙 2分鐘後 ..

依個方法係利用冷縮熱脹嘅原理,去暫時令眼袋收縮,所以真係治標不治本!
而且當微血管收縮後,血液循環會變得更差,黑眼圈就黑得仲勁!
依個方法真係唔好試,小編一個人傻就夠⋯

4/按摩穴位

按摩眼部穴位

綜合以上各種方法,小編個人認為「按摩穴位」係最有效
冇副作用之餘,即時效果都好顯注

圖左眼睛按摩穴位 5分鐘後效果 ..

但係大家都唔好以為做一兩次就可以成功
想完完全全去黑眼圈,都要比心機經常做眼部按摩!
大家一齊加油啦!


【做女人點可以唔識】眼部自救按摩手法!

坊間有唔少去黑眼圈嘅偏方,不過好多都治標唔治本⋯
嚴重嘅甚至會導致皮膚敏感!
我地試咗好多方法,發現最有效最冇副作用嘅,就一定係眼部接摩~
以下有3種眼部按摩方式推介,希望可以幫到大家,齊齊踢走黑眼圈!
👇🏻


有時間既記得睇埋我地其他實用文章呀 🙂