【做女人點可以唔知】不能做導入的產品

building-o

[必讀] 不能做導入的產品

好多人都以為只要係精華就可以用嚟做導入 ❌ 

但其實如果用錯產品/成份,分分鐘變爛面 甚至 激素面 ! 咁究竟有咩產品係一定唔可以做導入?你用開既保養品當中,又有唔適合導入既成份嗎?

係新一代既美容儀器當中,無論功能係超聲波、射頻 抑或係 基因電轉導入都好,​理論上都係可以配合任何保養品一齊使用既。


因為以上既方法都係用一種高強度能量將保養品硬推入皮膚,不過正正因為係咁,導入亦係可以唔理好醜,將好同壞既成份都一齊推入皮膚 >.<


當然如果只係將好既成份推入皮膚底層就無問題啦~


不過如果你只係唔小心將一樣唔好既野一併帶埋入皮膚,其實真係用返 10樣好既成份都未必可以補償到 lol

所以我地今次就想寫返一篇文章,希望可以簡單拙要一下,有邊啲類型 / 成份既產品,係絕對唔建議大家做導入既 !
希望可以更加幫到大家享受在家美容既樂趣 🙂

1

所有帶有清潔效果既護膚品

​任何帶有清潔效果既 product,都係不適宜做導入既

因為一般具有清潔效果既產品都會有SLS、SLES 介面活性劑 ,佢地都會對皮膚帶有一定刺激性

所以就唔會建議大家將佢地導入皮膚 ,否則皮膚會隨時被化學成份傷害,或過敏等反應 

2

​任何帶有酒精 / 防腐劑 / 人造香料 成份既護膚品 

無論係酒精、防腐劑、人造香料 通通一律都係對我地皮膚有害無益既化學成份

如果強行將佢地推入皮膚,有機會引起皮膚發紅、發腫、出疹、刺癢等既「排毒反應」


如果你既保養品聲稱開封後可保留 3個月以上
咁好大機會產品係添加左防腐劑,所以係絕不適合導入


另外等我地再比多個導入小 Tips 你啦 🙂


大家係選擇導入產品既時候 ,絕對唔應該以名氣大小或產地來源嚟作考慮既因素 (好多時大 brand 果啲先多化學成份)


相反大家應該揀一啲成份天然,而且有針對性功效既美容成份。​簡單例子如: 

​美白成份推薦 — 

  • ​左旋維他命 C
  • 麴酸
  • 熊果素

​保濕成份推薦 —

  • 高純度透明質酸
  • 份子釘
  • PDRN

抗衰老成份推薦 —

  • ​維他命A、C和E
  • 輔酶q10
  • APTOX

thumbs-o-up

有時間既記得睇埋我地其他實用文章呀 😉

別讓你的頸部變年輪! 頸紋除皺大法!
別讓你的頸部變年輪! 頸紋除皺大法!很多[...]
【做女人點可以唔知】 面形唔靚、歪面,可能因為你做錯以下4點!
有冇人照鏡時會覺得自己有歪面或者塊面唔對[...]
【做女人點可以唔知】不能做導入的產品
building-o[必讀] 不能做導入[...]
【做女人點可以唔識】逆轉歪面的不幸,將面形變對稱的4大方法!
天生面形唔靚其實後天都有得補救早排同大家[...]
【做女人點可以唔知】黑眼圈如何影響你的運程?
黑眼圈過重影響運勢?眾所周知,黑眼圈的產[...]
【做女人點可以唔試系列】4個去黑眼圈方法!
女士們有冇發覺,年紀愈大就精神愈差隨之而[...]

More...